1 noyabr kuni "Monako" Yevropa chempionlar ligasining navbatdagi turini safarda o‘tkazadi.
"Monegask"lilar Turkiyada "Beshiktosh" mehmoni bo‘lishadi. Safardagi o‘yinda mehmonlar ustozi Leonardo Jardimni hujum chizig‘i masalasida muammoga uchrashi aniq.
Negaki, Radamel Falkao jarohatlangan. U Fransiya chempionati so‘nggi turida "Bordo"ga kechgan bahsda ham maydonga tusha olmadi.
Shuningdek, Jardim "Beshiktosh"ga qarshi o‘yinda "Monako" safida katta ehtimol bilan Jibril Sidibe ham ko‘rinish bermasligini aytdi. U ham davolanishda.
Eslatib o‘tamiz, CHLning Monakoda bo‘lib o‘tgan o‘yinida Turkiya jamoasi 2:1 hisobida g‘olib chiqqandi. Mezbonlarning yagona golini Falkao kiritgandi.