O‘zbekiston yoshlar terma jamoasi bugun, 4 noyabr kuni U-19 Osiyo chempionati saralash bosqichidan o‘rin olgan ikkinchi uchrashuvni Maldiv orollari terma jamoasiga qarshi o‘tkazdi.
Aleksandr Mochinov shogirdlari ikkinchi uchrashuvda ham yirik hisobda g‘alaba qozonishdi. Bu safar vakillarimiz raqib darvozasiga javobsiz 6ta gol kiritishdi.
O‘zbekiston U-19 - Maldiv orollari U-19 - 6:0
Dushanbe, Tojikiston
Bosh hakam: Yoqub Said Abdulloh Abdul Boqi (Ummon)
Gollar: A.Jumaqulov 22, I.Kenjaboyev 37, 60, D.Saidov 46, B.Asqarov 65, J.Rahimov, 71.
O‘zbekiston U-19: Javohir Qilichev, Jasur Ermamatov, Jasur Rahimov, Dilshod Saidov (SH.Abdurahmonov, 73), Suhrob Izzatov, Boburjon Asqarov, Islom Kenjaboyev (A.Xolmuhammedov, 70), Ibrohim Yo‘ldoshev, Hasan Yo‘ldoshev, Akmal Mozgovoy (R.Yo‘ldoshev, 46), Abbos Jumaqulov, .
Maldiv orollari U-19: Ahmad Samah Ali, Ishaq Rashid, A’zam Abdulla, Muhammad Jaylam, Musannif Muhammad, Muhammad Yazdan Husayn, Nisham Muhammad Rashid, Ahmad Talal, Haysham Hassan, Muhammad Sahil, Ali Shamal Abdulla.
Eslatib o‘tamiz, O‘zbekiston U-19 terma jamoasi saralashdan o‘rin olgan dastlabki uchrashuvni Shri-Lanka terma jamoasiga qarshi o‘tkazib, 10:0 hisobida g‘alaba qozongandi.
Aleksandr Mochinov shogirdlari navbatdagi uchrashuvni 6 noyabr kuni Bangladesh terma jamoasiga qarshi o‘tkazishadi. O‘yin Toshkent vaqti bilan soat 14:00da boshlanadi.
