Oliy liga 27-turidan o‘rin olgan “Buxoro” – “Qo‘qon-1912”  jamoalari o‘yinidan so‘ng bo‘lib o‘tgan matbuot anjumanida  dastlab mehmonlar bosh murabbiyi No‘’mon Hasanov ishtirok etdi.

"Bugun juda qiziqarli va muxlislarga yoqadigan o‘yin bo‘ldi. Agar biz yutqazganimizda turnir jadvalidagi ahvolimiz yomonlashar edi. Bugungi o‘yin uchun futbolchilarimga rahmat aytaman. Ular bugun muxlislaga yoqadigan o‘yin ko‘rsatishdi. "Buxoro" jamoasi ham hozirgi kunda bekorga 5-o‘rinda turmaganini maydonda isbot qildi.

Oliy ligadagi islohotlarga nima deyishim mumkin? Turnir jadvalining pastki qismidagi jamoalarga achinaman. Manimcha, bu ishga yoki vaqtliroq yoki mavsum tugagandan so‘ng qo‘l urilsa yaxshi bo‘lardi. Yaxshiyam biz kerakli ochkolarni birinchi davrada yig‘ib olganmiz.

Penalti manimcha bor edi. Hakam vaziyatga ancha yaqin turgan edi. Qolaversa biz kiritgan 3-golimiz ham inobatga olinmadi. Hakamlarni harakatlarini muhokama qilmayman, bu ishni bajaradigan ma’sul shaxslar bor. O‘yindagi vaziyatlar videotasvirlari saytlarda chiqsa kerak, o‘zlaring ko‘rib baho berasizlar, deb o‘ylayman.  Shu o‘rinda Qo‘qondan kelib stadionda bizni qo‘llab turgan muxlislarimizga alohida minnatdorchilik bildirmoqchiman", - dedi No‘’mon Hasanov.