“Barselona” yarim himoyachisi Usmon Dembelening tizzasidagi olgan jarohatini operasiya qilishda ishtirok etgan vrach Sakari Okava futbolchini 22 dekabr kuni “Real”ga qarshi safar o‘yinida maydonga qaytishi mumkinligini aytib o‘tdi.

“Dembelening jarohatdan tiklanishi kutilganidan ham tezroq amalga oshmoqda. U  “Real”ga qarshi o‘yinda maydonga tusha oladimi? Bo‘lishi mumkin lekin bunga kafolat bera olmayman. Usmon noyabr oyining o‘rtalarida to‘p bilan shug‘ullanish mashg‘ulotlarini boshlab yuboradi”, — deydi Okava.

Eslatib o‘tamiz, Dembele sentyabr oyida chap oyog‘idan jiddiy jarohat olib, bir necha oyga maydonni tark etgandi. Vrachlarning so‘zlariga ko‘ra, uning to‘liq tiklanishi uchun 3-4 oy vaqt ketadi.