“Барселона” ярим ҳимоячиси Усмон Дембеленинг тиззасидаги олган жароҳатини операция қилишда иштирок этган врач Сакари Окава футболчини 22 декабрь куни “Реал”га қарши сафар ўйинида майдонга қайтиши мумкинлигини айтиб ўтди.

“Дембеленинг жароҳатдан тикланиши кутилганидан ҳам тезроқ амалга ошмоқда. У  “Реал”га қарши ўйинда майдонга туша оладими? Бўлиши мумкин лекин бунга кафолат бера олмайман. Усмон ноябрь ойининг ўрталарида тўп билан шуғулланиш машғулотларини бошлаб юборади”, — дейди Окава.

Эслатиб ўтамиз, Дембеле сентябрь ойида чап оёғидан жиддий жароҳат олиб, бир неча ойга майдонни тарк этганди. Врачларнинг сўзларига кўра, унинг тўлиқ тикланиши учун 3-4 ой вақт кетади.