9 noyabr kuni oliy liganing 28-turida "Paxtakor" o‘z maydonida "Olmaliq"ni qabul qiladi.

Siz ushbu uchrashuvga tashrif buyurib, ko‘plab sovg‘alarga ega chiqish va ularni jahon futboli afsonasi, “Barselona” klubining sobiq himoyachisi Karles Puyoldan qabul qilishingiz mumkin. U ishqibozlarga futbol to‘plari va futbolkalarni taqdim etadi.

Shuningdek, siz jamoalarning keskin to‘qnashuvidan tashqari 2ta "IPhone 7 32 GB" telefoni va 3 dona "Artel" televizorlariga ega bo‘lish imkoniyatini qo‘lga kiritasiz. O‘yinning tanaffus payti va uchrashuv yakunlangandan so‘ng o‘tkaziladigan aksiyada chipta va abonement sohiblari ishtirok etishadi.

Sentyabr oyida O‘FF prezidenti Umid Ahmadjonov, O‘FF Ijroqo‘mi a’zosi va "Paxtakor" FK prezidenti Bobur Shodiyev Shveysariyaning Syurix shahrida FIFA prezidenti Janni Infantino bilan uchrashib, yurtimizda futbol targ‘ibotini kuchaytirish maqsadida FIFAdan dunyo futbolining yorqin afsonalari va buguni kun yulduzlarini O‘zbekistonga taklif qilishda FIFAdan amaliy yordam ko‘rsatishni muhokama qilishgandi. Puyolning mamlakatimizga tashrifi shaxsan FIFA prezidenti Janni Infantino tomonidan uyushtirilmoqda.

Karles Puyol "Paxtakor" va "Olmaliq" o‘rtasidagi uchrashuvga tashrif buyuradi. O‘yingacha yosh futbolchilar uchun master-klass tashkil etiladi.

"Paxtakor" futbol klubi barcha muxlislarni 9 noyabr kuni "Paxtakor" stadionida o‘tkaziladigan "Paxtakor" - "Olmaliq" uchrashuviga taklif etadi. O‘yin soat 17:00da boshlanadi.