Xerald Frits JFL in Tashkent futbol maktabida o‘zbek murabbiylari uchun seminar o‘tishda davom etmoqda. Navbatdagi dars Germaniya futbolida bolalarni tarbiyalash bosqichlari va har bir bosqich vazifalari haqida so‘z yuritildi.

Germaniyadagi futbol maktablaridagi mashg‘ulotlarda asosiy e’tibor har doim to‘p bilan ishlashga qaratiladi. Natijaga 12 yoshga qadar hech qanday e’tibor qaratilmaydi. Hali suyagi qotmagan bola dribling va fintlarni o‘zlashtirishi lozim. Jismoniy tayyorgarlikni sal ulg‘aygandan so‘ng maromiga yetkazib olish mumkin.

Bolalarga beriladigan mashqlar albatta  to‘p bilan amalga oshirilishi shart. Bunda mashg‘ulotlar xilma xil bo‘lishi va tarbiyalanuvchilarni o‘ziga qiziqtirishi shart. O‘yinlar vaqtida o‘zini ko‘rsata olmagan futbolchilar bilan alohida ish olib borish lozim. Har bir bolaga individual yondoshish shart. Xerald Frits o‘z ma’ruzasida nemis metodikasi bilan atroflicha tanishtirdi va har bir vaziyatga ilmiy jihatdan qanday yondoshish kerakligini ko‘rsatib berdi.

Seminarning ikkinchi kunida amaliy mashg‘ulotlar ham boshlab yuborildi. JFL in Tashkent tarbiyalanuvchilari bilan o‘tkazilgan mashg‘ulot to‘liq nemis metodikasi asosida o‘tkazildi.

Eslatib o‘tamiz, JFL in Tashkent futbol maktabiga 5 yoshdan 14 yoshgacha bo‘lgan bolalarni qabul qilish davom etmoqda.

Murojaat uchun telefonlar: +99895 1959890, 83712689438, +99890 9999890
Rasmiy sayt: www.jfl-tashkent.uz
Email: info@jfl-tashkent.uz