JCH-2018 mezboni — Rossiya terma jamoasi Moskvada Argentinaga qarshi o‘rtoqlik uchrashuvini o‘tkazdi.

Cherchesov shogirdlari raqib bilan tengma-teng o‘ynashga harakat qildi. Ammo o‘yin davomida biroz bo‘lsa-da ko‘proq xavfli vaziyat yaratgan argentinalik o‘yin oxirida g‘alabani ilib ketishdi.

Messi chiroyli pas orqali o‘ng qanotdan oldinga tashlangan Pavon (hakamlar ofsaydni qayd etishmadi)ni to‘p bilan ta’minladi. Yarim himoyachi Rossiya jarima maydonchasi ichida ochilgan Agueroga aniq uzatma berdi. "Manchester Siti" hujumchisi yo‘llagan dastlabki zarbani himoyachi qaytargan bo‘lsa, Aguero bosh bilan yana zarba berib, darvozani ishg‘ol qildi.

O‘rtoqlik o‘yini
Rossiya – Argentina 0:1 (0:0, 0:1)
Gol: 0:1 – 86 Aguero.
Rossiya – Akinfeev, Vasin, Kudryashov, Fernandes (Smolnikov, 46), Djikiya, Kuzyayev (Eroxin, 69), Raush (Zabolotniy, 88), Glushakov, Poloz (Dzagoyev, 46), Smolov, Kokorin (Miranchuk, 82).
Argentina – Romero, Maskerano, Pesselya, Otamendi, Kranevitter, Peres (Banega, 90), Salvio (Pavon, 78), Lo Chelso (Gomes, 59), Di Mariya (Perotti, 75), Aguero (Dibala, 87), Messi.