«PSJ» klubi yarim himoyachisi Yulian Draksler jamoadoshi Neymar haqidagi fikrlari bilan o‘rtoqlashdi.
«Kelishmovchiliklar haqida tashqaridan turib gapirishmoqda. Ha, Kavani va penalti bilan bog‘liq vaziyat sodir bo‘ldi, bu masala 1-2 kun ichida o‘z yechimini topdi, biroq u haqda 4-5 hafta yozishdi.
O‘ylaymanki, bu Neymar kabi yulduz futbolchilar faoliyatining bir qismi xolos. U haqda ko‘p yozishmoqda va bularning ko‘pchiligi – safsata. Men uni muloyim inson sifatida bilaman, u o‘z qadrini biladi va bir qator imtiyozlarga ega bo‘lishga yoki uni talab qilishga haqli.
U kabi futbolchilar bunga loyiqlar. Va biz qolgan futbolchilar bundan jaxlimiz chiqmaydi va hasad qilmaymiz. U bizning jamoada ekanligidan xursandmiz. Biz unga yordam berishni xohlaymiz, u esa bizga», – deydi Draksler.
