«ПСЖ» клуби ярим ҳимоячиси Юлиан Дракслер жамоадоши Неймар ҳақидаги фикрлари билан ўртоқлашди.

«Келишмовчиликлар ҳақида ташқаридан туриб гапиришмоқда. Ҳа, Кавани ва пенальти билан боғлиқ вазият содир бўлди, бу масала 1-2 кун ичида  ўз ечимини топди, бироқ у ҳақда 4-5 ҳафта ёзишди.

Ўйлайманки, бу Неймар каби юлдуз футболчилар фаолиятининг бир қисми холос. У ҳақда кўп ёзишмоқда ва буларнинг кўпчилиги – сафсата. Мен уни мулойим инсон сифатида биламан, у ўз қадрини билади ва бир қатор имтиёзларга эга бўлишга ёки уни талаб қилишга ҳақли.

У каби футболчилар бунга лойиқлар. Ва биз қолган футболчилар бундан жахлимиз чиқмайди ва ҳасад қилмаймиз. У бизнинг жамоада эканлигидан хурсандмиз. Биз унга ёрдам беришни хоҳлаймиз, у эса бизга», – дейди Дракслер.