“Barselona” klubining Matbuot xizmati bugun, kataloniyalik muxlislar uchun yoqimsiz xabarni yetkazdi.

Unga ko‘ra, Argentina hamda Nigeriya terma jamolari o‘rtasida bo‘lib o‘tgan kechagi uchrashuv (2:4) da argentinaliklar tarkibida Xavyer Maskerano jarohat olgan.

Ma’lum bo‘lishicha, 33 yoshli futbolchi uchrashuv vaqtida orqa oyoq mushaklarini jarohatlab olgan. Tiklanish uchun esa kamida 4 hafta vaqt ketadi.

Ta’kidlash joizki, Maskerano o‘yinda to‘liq 90 daqiqa harakat qilgandi.

Endilikda, “Barselona” “Mursiya”, “Yuventus” va “Sporting” klublariga qarshi o‘yinlarda Maskerano xizmatlaridan foydalana olmaydi.