“Барселона” клубининг Матбуот хизмати бугун, каталониялик мухлислар учун ёқимсиз хабарни етказди.

Унга кўра, Аргентина ҳамда Нигерия терма жамолари ўртасида бўлиб ўтган кечаги учрашув (2:4) да аргентиналиклар таркибида Хавьер Маскерано жароҳат олган.

Маълум бўлишича, 33 ёшли футболчи учрашув вақтида орқа оёқ мушакларини жароҳатлаб олган. Тикланиш учун эса камида 4 ҳафта вақт кетади.

Таъкидлаш жоизки, Маскерано ўйинда тўлиқ 90 дақиқа ҳаракат қилганди.

Эндиликда, “Барселона” “Мурсия”, “Ювентус” ва “Спортинг” клубларига қарши ўйинларда Маскерано хизматларидан фойдалана олмайди.