Peru terma jamoasi JCH-2018 musobaqasining oxirgi qatnashchisi bo‘ldi. Sralash pley-offining Limada o‘tgan javob uchrashuvida peruliklar Yangi Zelandiya ustidan 2:0 hisobida g‘alaba qozondilar.
Uchrashuvning 28-daqiqasida Jefferson Farfan hisobni ochdi. Muxlislar golni nishonlayotgan vaqtda mobil ilova Limada kichik zilzilani qayd etdi, deya xabar beradi Goal. Keyinchalik o‘tkazilgan tekshiruvdan so‘ng, bunga zilzila emas, peruliklarning bir vaqtda golni nishonlaganlari sabab bo‘lib chiqqan.
Peru terma jamoasi 1982 yildan buyon ilk marta mundialda qatnashmoqda.