2008 yilning martida Diyego Maradona “Chelsi” klubi ba’zasiga tashrif buyurdi. U “Chelsi” vakillari bilan o‘ziga xos musobaqalashdi – to‘pni darvoza ustuniga tekkizish bo‘yicha. Bunda Petr Chex yutqazib, shartga binoan, yarim yalang‘och yugurgan bo‘lsa, Maradona oldinlari bo‘lganidek eng yaxshi ko‘rsatkichga erishdi.
***
Ronaldino reklama roliklaridan birini suratga olish jarayonida qiziq voqeaga sababchi bo‘ldi. Kataloniyaliklarning muqaddas maskani hisoblangan Avliyo Iakov Sobori yonida “quyoncha” to‘pni kuchli zarb bilan yuqoriga tepib yuboradi. Natijada cherkovning oynasi chil-chil sinadi. Bundan qo‘rqib ketgan 2 nafar rohib bir necha daqiqaga hushdan ketib qolgandi.
***
1977 yilning 12 oktyabr kuni JCH saralash bosqichida bir-biriga noqulay bo‘lgan 2 terma jamoa – Shotlandiya va Uels o‘zaro uchrashishdi. O‘sha kuni “Enfild Roud” stadioniga kelgan muxlislar qiziq manzaraning guvohi bo‘lishdi. O‘yinning 78 daqiqsigacha hisob ochilmagan edi. O‘shanda shotlandiyalik forvard Jo Jordan ishonch bilan Devid Jonsning pressingini yorib o‘tdi va qo‘li bilan to‘pni jarima maydonchasiga yetkazib beradi. Ammo hakam o‘sha vaziyatda Uels terma jamoasi futbolchisi qo‘li bilan o‘ynagan deb qaror chiqardi va 11 metrlik jarima to‘pi belgiladi. Ana shu ayyorlikdan kiritilgan to‘p shotlandlarga g‘alaba keltirdi va ularni Argentinada bo‘ladigan Mundialga olib chiqdi.
