«Arsenal» klubi yarim himoyachisi Jek Uilshir o‘z faoliyatini Ispaniya chempionatida davom ettirishi mumkin.
Futbolchiga «Betis» klubi qiziqish bildirmoqda. Eslatib o‘tamiz, Uilshirning londonliklar bilan amaldagi shartnomasi keyingi yilning yozida o‘z nihoyasiga yetadi.
Ingliz futbolchisi «to‘pchilar» safida muntazam o‘yin amaliyotiga ega bo‘lmayapti va «Arsenal» yozda erkin agent maqomini olishi mumkin bo‘lgan o‘yinchini qishgi transfer mavsumida sotib yuborish ehtimoli katta.
O‘z o‘rnida, Jek Angliya terma jamoasi bilan JCH-2018 musobaqasiga yo‘l olmoqchi, shu sabab u muntazam o‘yin amaliyotiga muhtoj.
