"Real"ning sobiq himoyachisi Pepening otasi klub rahbariyatining jamoa futbolchilariga bo‘lgan munosabatini tanqid qildi.
Anael o‘g‘lining madridliklar bilan shartnomasini uzaytirmagani sababini aytdi.
"Bunday klublar o‘yinchilarga bosim uyushtiradilar va ularni oxirgi tomchisigacha siqib oladilar. Futbolchilar kuchdan qolishgach, ularga avvalgidan boshqacha munosabatda bo‘ladilar. Agar futbolchida xarakter bo‘lsa, qo‘lga kiritgan sovrinlariga qaramay, o‘zining faoliyati shunchaki o‘tayotganini payqasa, boshqa variant izlashga tushadi.
Shartnoma muddati tugashiga bir yil qolganda, klub vakillari odatda futbolchiga qo‘ng‘iroq qilib, kelishuvni uzaytirishni taklif qiladilar. Pepega qo‘ng‘iroq qilmadilar, keyinroq esa avvalgi moliyaviy shartlarni taklif qildilar. Shuning uchun o‘g‘lim amaldagi shartnomasini yakunlab, ketishga majbur bo‘ldi", - deydi ota.
