Italiya terma jamoasining sobiq bosh murabbiyi Jampyero Ventura JCH-2018 saralashi pley-offida Shvesiyaga qarshi javob uchrashuvidan (0:0) ikki kun avval jamoaning tajribali o‘yinchilari bilan ziddiyatga borgan.

Avvalroq, Makedoniya bilan 1:1 hisobidagi durangdan so‘ng anluiji Buffon, ANdrea Barchali va Daniele de Rossi murabbiylar shtabisiz amoa yig‘ilishi o‘tkazganlar. Ammo 69 yoshli mutaxassis bu yig‘ilishni o‘ziga qarshi qaratilgan deb o‘ylagan.

Shvesiyaga qarshi javob uchrashuviga iki kun qolganida Venturaning sabr kosasi to‘lgan va kiyinish xonasini shunday so‘zlar bilan tark etgan: "Yig‘ilishlaringiz a’lo o‘tibdi. Endi o‘zingiz mashg‘ulot o‘tkazib, tarkibni aniqlang".

Murabbiy telefon qo‘ng‘iroqlariga javob bermagan va bir necha soatdan so‘nggina terma jamoa ixtiyoriga qaytgan. Bu vaqt ichida futbolchilar uni qaytmaydi deb o‘ylaganlar.

Bundan tashqari Ventura "San-Siro"dagi o‘yin kuni boshlang‘ich tarkib borasidagi ma’lumotlar tashqariga chiqib ketganidan norozi bo‘lgan. Murabbiy ma’lumotlarni matbuotga kim chiqarayotganini bilishga harakat qilgan.

JCH yo‘llanmasi qo‘lga kiritilmagach, Ventura iste’foga chiqarildi.