Madridning "Real" klubi prezidenti Florentino Peres jamoa bosh murabbiyi Zinedin Zidan o‘rniga o‘rinbosar topib qo‘ydi deb xabar bermoqda  Don Balon nashri.

Ma’lumotlarga ko‘ra, Peres fransiyalik mutaxassisga ishonadi, ammo uni "Real"ning joriy mavsumdagi natijalari tashvishga solmoqda. Bu o‘zgarish Zinedin Zidan boshchiligidagi jamoa ushbu mavsumda hech qanday sovringa ega chiqa olmasagina amalga oshadi. Zidanga hozircha ishonch bor, ammo Peres har ehtimolga qarshi Lev bilan muzokara o‘tkazib qo‘ymoqchi.

Madridliklar klubi rahbariyati ayni vaqtda ko‘p vaqtdan buyon Germaniya terma jamoasini boshqarib kelayotgan Yoaxim Levni ko‘z ostiga olib qo‘ygan. Xabar qilinishicha, Peres 57 yoshli ushbu mutaxassis bilan gaplashib olgan, u 2018 yilgi jahon chempionatidan keyin "Real"ga kelishi mumkin.