«Manchester Siti» klubi himoyachisi Jon Stounsning qachon safga qaytishi ma’lum bo‘ldi.

Futbolchi «Lester»ga (2:0) qarshi kechgan o‘yinda jarohat olgan va 31-daqiqada zaxiraga olingandi.

Stounsning tiklanishiga 4-6 hafta vaqt ketadi. Bu haqda YECHL doirasida «Feyenoord»ga qarshi o‘yin oldidan «shaharliklar» bosh murabbiyi Xosep Gvardiola ma’lum qildi.

«Jon 4-6 hafta maydonga tusha olmaydi. Umid qilamanki, u yanvar oxirigacha maydonga qaytadi. O‘yinga keladigan bo‘lsak, biz keyingi bosqichga yo‘l olib bo‘lganmiz.

O‘z maydonimizda harakat qilamiz – bu esa plyus. Men futbolchilarimni g‘alabaga tayyorlamoqdaman. YECHL – muhim turnir va bizda unda g‘alaba qozonish uchun kurashamiz», - deydi Gvardiola.