«Манчестер Сити» клуби ҳимоячиси Жон Стоунснинг қачон сафга қайтиши маълум бўлди.

Футболчи «Лестер»га (2:0) қарши кечган ўйинда жароҳат олган ва 31-дақиқада захирага олинганди.

Стоунснинг тикланишига 4-6 ҳафта вақт кетади. Бу ҳақда ЕЧЛ доирасида «Фейеноорд»га қарши ўйин олдидан «шаҳарликлар» бош мураббийи Хосеп Гвардиола маълум қилди.

«Жон 4-6 ҳафта майдонга туша олмайди. Умид қиламанки, у январь охиригача майдонга қайтади. Ўйинга келадиган бўлсак, биз кейинги босқичга йўл олиб бўлганмиз.

Ўз майдонимизда ҳаракат қиламиз – бу эса плюс. Мен футболчиларимни ғалабага тайёрламоқдаман. ЕЧЛ – муҳим турнир ва бизда унда ғалаба қозониш учун курашамиз», - дейди Гвардиола.