«Manchester Siti» bosh murabbiyi Xosep Gvardiola “shaharliklar”ning Chempionlar Ligasidagi imkoniyatlari haqidagi fikrlari bilan o‘rtoqlashdi.
Guruh bosqichining yakuniga ikki tur qolganida Angliya klubi vakillari musobaqaning pley-off bosqichiga chiqish yo‘llanmasini naqd qilishgan.
“Biz pley-offga chiqdik, lekin qur’ada qanday raqib to‘qnash kelishini hech kim bilmaydi. Guruhni birinchi o‘rin bilan yakunlashimiz kerak, zero 1/8 finalda javob uchrashuvini uyda o‘tkazamiz.
Chempionlar Ligasi – nufuzli musobaqa, unda favoritlar - «Barselona», «Real» va boshqa klublar, biz hali hech narsaga erishmadik. Klubning Yevropadagi tarixini yaratish bizning qo‘limizda”, - deydi ispaniyalik mutaxassis UYEFAning rasmiy saytiga bergan intervyuda.
