«Манчестер Сити» бош мураббийи Хосеп Гвардиола “шаҳарликлар”нинг Чемпионлар Лигасидаги имкониятлари ҳақидаги фикрлари билан ўртоқлашди.

Гуруҳ босқичининг якунига икки тур қолганида Англия клуби вакиллари мусобақанинг плей-офф босқичига чиқиш йўлланмасини нақд қилишган.

“Биз плей-оффга чиқдик, лекин қуръада қандай рақиб тўқнаш келишини ҳеч ким билмайди. Гуруҳни биринчи ўрин билан якунлашимиз керак, зеро 1/8 финалда жавоб учрашувини уйда ўтказамиз.

Чемпионлар Лигаси – нуфузли мусобақа, унда фаворитлар - «Барселона», «Реал» ва бошқа клублар, биз ҳали ҳеч нарсага эришмадик. Клубнинг Европадаги тарихини яратиш бизнинг қўлимизда”, - дейди испаниялик мутахассис УЕФАнинг расмий сайтига берган интервьюда.