Peru terma jamoasi Rossiyada bo‘lib o‘tadigan JCH-2018 musobaqasidan chetlatilishi mumkin.
Libero mahalliy nashri xabariga ko‘ra, perulik siyosatchi Paloma Noseda mamlakat futbol federasiyasini butunlay davlat nazorati ostiga oliinishi haqida qonun chiqarishni taklif qildi.
Ma’lumki, FIFA qoidalariga ko‘ra, davlatlar futbol federasiyalarini nazorat qilishi mumkin emas. Shu sababli, agar Nosedaning taklifi qabul qilinsa, FIFA Peru futbol federasiyasini o‘z tarkibidan chiqarib tashlashi mumkin. O‘z navbatida Peru jahon chempionatida ishtirok etmaydi.
Xabarga ko‘ra, FIFA vaziyatdan xavotirda va Peru hukumatidan ushbu taklif qilingan qonun haqida batafsil ma’lumot berishni so‘ragan.
