Перу терма жамоаси Россияда бўлиб ўтадиган ЖЧ-2018 мусобақасидан четлатилиши мумкин.
Libero маҳаллий нашри хабарига кўра, перулик сиёсатчи Палома Носеда мамлакат футбол федерациясини бутунлай давлат назорати остига олииниши ҳақида қонун чиқаришни таклиф қилди.
Маълумки, ФИФА қоидаларига кўра, давлатлар футбол федерацияларини назорат қилиши мумкин эмас. Шу сабабли, агар Носеданинг таклифи қабул қилинса, ФИФА Перу футбол федерациясини ўз таркибидан чиқариб ташлаши мумкин. Ўз навбатида Перу жаҳон чемпионатида иштирок этмайди.
Хабарга кўра, ФИФА вазиятдан хавотирда ва Перу ҳукуматидан ушбу таклиф қилинган қонун ҳақида батафсил маълумот беришни сўраган.
