«Tottenxem» klubi bosh murabbiyi Maurisio Pochettino, himoyachi Denni Rouz haqidagi fikrlari bilan o‘rtoqlashdi.
Futbolchi bundan oldin Premyer-Liga 12 turi doirasida «Arsenal»ga qarshi uchrashuvda maydonga tushmaganidan “g‘azabda” ekanligini aytib o‘tgan edi. Lekin, angliyalik futbolchi Pochettino bilan munosabati yaxshi ekanligini tan olgan.
«Denni men bilan suhbatda hech qanday his-tuyg‘uga berilmadi. Sizning bu savolingiz meni hayron qoldirdi. Kunduzi Denni bilan suhbat qurdim. U jahli chiqqanligini namoyish etmadi.
Albatta, hamma futbolchi maydonga tushishni istaydi. Denni va nafaqat u, boshqa futbolchilar ham maydonga tushmagani uchun g‘azablanishi meni xursand qiladi. Jamoaning barcha a’zolari bizga yordam berish istagidaligi yaxshi holatdir.
Rouz o‘zini odatiy tutdi. Siz mendan Denni yoki Nkudu, Gassanige, Trippyer, Devis haqida so‘rashingiz mumkin. Ular ham g‘azabdami? Albatta.
Ular ham maydonga tushishni hohlaydi. Shu jumladan, Vorm ham. Bu masalani men hal qilaman. Futbolchilarning eng asosiy muammosi esa shu», - deydi Pochchetino
