«Тоттенхэм» клуби бош мураббийи Маурисио Почеттино, ҳимоячи Дэнни Роуз ҳақидаги фикрлари билан ўртоқлашди.

Футболчи бундан олдин Премьер-Лига 12 тури доирасида «Арсенал»га қарши учрашувда майдонга тушмаганидан “ғазабда” эканлигини айтиб ўтган эди. Лекин, англиялик футболчи Почеттино билан муносабати яхши эканлигини тан олган.

«Дэнни мен билан суҳбатда ҳеч қандай ҳис-туйғуга берилмади. Сизнинг бу саволингиз мени ҳайрон қолдирди. Кундузи Дэнни билан суҳбат қурдим. У жаҳли чиққанлигини намойиш этмади.

Албатта, ҳамма футболчи майдонга тушишни истайди. Дэнни ва нафақат у, бошқа футболчилар ҳам майдонга тушмагани учун ғазабланиши мени хурсанд қилади. Жамоанинг барча аъзолари бизга ёрдам бериш истагидалиги яхши ҳолатдир.

Роуз ўзини одатий тутди. Сиз мендан Дэнни ёки Нкуду, Гассаниге, Триппьер, Дэвис ҳақида сўрашингиз мумкин. Улар ҳам ғазабдами? Албатта.

Улар ҳам майдонга тушишни ҳоҳлайди. Шу жумладан, Ворм ҳам. Бу масалани мен ҳал қиламан. Футболчиларнинг энг асосий муаммоси эса шу», - дейди Поччетино