«Chelsi» klubi bosh murabbiyi Antonio Konte APL 13-turi doirasidagi «Liverpul»ga qarshi bahs haqida so‘z yuritdi.

“Natijadan qoniqishimiz lozim. Har ikki jamoa 90 daqiqa tezkor futbol namoyish qildi. Uzoq muddatli parvoz tufayli bizda tayyorgarlik ko‘rish uchun deyarli vaqt bo‘lmagandi, shuning uchun ham o‘yin murakkab kechdi.

Tabiiyki, bu kabi kuchli raqib bilan, mehmonda to‘p surish juda qiyin va natijadan ko‘nglimiz to‘ldi.

Birinchi bo‘limda xavfli vaziyatlarni yaratdik. Tanaffusdan keyin gol urish uchun ko‘plab imkoniyatlar bo‘ldi, ammo o‘yinimizning eng yaxshi pallasida o‘z darvozamizdan to‘p olib chiqdik.

G‘alaba qozonish uchun barchasini bajardik, lekin natija durrang bo‘ldi. «Liverpul» klubi juda katta qiyinchilik bilan vaziyatlar yaratdi” - deydi Konte.