«Челси» клуби бош мураббийи Антонио Конте АПЛ 13-тури доирасидаги «Ливерпуль»га қарши баҳс ҳақида сўз юритди.

“Натижадан қониқишимиз лозим. Ҳар икки жамоа 90 дақиқа тезкор футбол намойиш қилди. Узоқ муддатли парвоз туфайли бизда тайёргарлик кўриш учун деярли вақт бўлмаганди, шунинг учун ҳам ўйин мураккаб кечди.

Табиийки, бу каби кучли рақиб билан, меҳмонда тўп суриш жуда қийин ва натижадан кўнглимиз тўлди.

Биринчи бўлимда хавфли вазиятларни яратдик. Танаффусдан кейин гол уриш учун кўплаб имкониятлар бўлди, аммо ўйинимизнинг энг яхши палласида ўз дарвозамиздан тўп олиб чиқдик.

Ғалаба қозониш учун барчасини бажардик, лекин натижа дурранг бўлди. «Ливерпуль» клуби жуда катта қийинчилик билан вазиятлар яратди” - дейди Конте.