Qish eshik qoqmoqda. Demakki, yevrofutbol markazidagi top-klublar tarkib bo‘yicha ehtiyojga qarab, yanvarda boshlanadigan transferlar bozori uchun nomzodlar ro‘yxatini allaqachon tuzib qo‘ygan.
Bunda xaridor jamoa asosan joriy mavsum yevrokuboklarda ishtirok etmagan futbolchilarga e’tibor qaratishi turgan gap.
Soccer.ru sayti shuni nazarda tutgan holda, «ko‘hna qit’a» tashqarisida to‘p surayotgan munosib o‘yinchilar orasidan nomzodlar ramziy terma jamoasini tuzib chiqdi. Bu yigitlarning ayrimlari yangi yildan keyin Yevropa jamoalari safiga qo‘shilsalar, ajabmas.
Darvozabon
Diyego ALVES («Flamengo»). Mamlakati: Braziliya; yoshi: 32; taxminiy bahosi: 5 million yevro
Ta’rif. Ispaniya primerosida 10 mavsum o‘ynagan braziliyalik kiper «Almeriya» va «Valensiya»dagi fao-liyati davomida 52ta penaltidan naq 25tasini bartaraf etgan. Alves bu borada La-liga rekordchisidir - fantastika!
Himoyachilar
Fabrisio BUSTOS («Inde- pendyente»). Mamlakati: Argentina; yoshi: 21; taxminiy bahosi: 4 million yevro
Ta’rif. 21 yoshli o‘ng qanot himoyachisi Argentinada tanilib ulgurdi va uning kelajakda Pablo Sabaleta, Kafu, Marselo, Roberto Karlos va Dani Alvesh kabi ustalar darajasiga chiqishidan umidvorlar.
Yerri MINA («Palmeyras»). Mamlakati: Kolumbiya; yoshi: 23; taxminiy bahosi: 9 million yevro
Ta’rif.«Palmeyras» klubi va Kolumbiya termasi markaziy himoyachisi Bustosdan farqli o‘laroq, Yevropada ham mashhur. Minaga asosiy da’vogar - «Barselona». Kataloniyaliklar yozda ham uni xarid qilishga urinishgandi va endi boshlangan ishni yakuniga yetkazib qo‘ymoqchilar. Chunonchi, Ernesto Valverde «Barsa» himoyasini butunlay yangilamoqchi, albatta, bosqichma-bosqich.
Rodrigo KAYO («San-Paulu»). Mamlakati: Braziliya; yoshi: 24; taxminiy bahosi: 9 million yevro
Ta’rif. Kayo - Olimpiada chempioni. U o‘tgan yili Braziliya olimpiyachilarining Rioda oltin medal yutishlarida xuddi Neymar kabi katta rol bajargandi. Keyinchalik «Zenit»ning aniq taklifini rad etdi, vaholanki, piterliklar uning transferi yo‘lida 18 million yevro sarflashga tayyor edilar. Chunonchi, Kayo Ispaniyada o‘ynamoqchi.
Gilyerme ARANA («Korintians»). Mamlakati: Braziliya; yoshi: 20; taxminiy bahosi: 8 million yevro
Ta’rif. Yozda SSKA (Moskva) safiga qo‘shilishni istamagan Arana ham to‘g‘ri yevrofutbol markaziga tushmoqchi. Muhimi, kundan-kunga xaridor jamoalar safi kengaymoqda: «Tottenxem», «Shalke», «Bordo», «Sevilya», «Inter» va hattoki, «MYU». Aytishlaricha, Gilyermening yanvarda «Sevilya» libosini kiyishi ehtimoli balandroq.
Yarim himoyachilar
