“Roma” a’zosi Diyego Perottining fikricha, ayni paytda A seriyaning eng kuchli jamoasi bu “Napoli” hisoblanadi.

“A seriyadagi raqiblarimiz haqida gapiradigan bo‘lsam, eng kuchli klub bu “Napoli”. Mazkur jamoadan to‘pni olib qo‘yish judayam qiyin. Men “Barselona”ga qarshi o‘ynaganimda xuddi shunday qiyinchilikni his qilganman. “Yuventus” esa o‘tgan mavsumda kuchli edi, hozir esa biroz susaygan”, dedi Perotti.

Ma’lumot uchun, o‘tgan hafta bo‘lib o‘tgan “Napoli” — “Yuventus” to‘qnashuvida turinliklarning qo‘li baland kelgandi.