"Manchester Yunayted" klubi bosh murabbiyi Joze Mourinyo SSKAga qarshi o‘yindan oldin himoyachi Lyuk Shou haqida iliq so‘zlar aytib o‘tdi.
“Shou maydonga tushish uchun o‘z ustida ko‘p ishlamoqda. Ishonchim komilki, bir kun kelib Lyuk asosiy tarkib o‘yinchisiga aylanadi.
Shou bugungi o‘yinda qaydnomaga kiradimi? Ha, albatta. Lekin Shouning asosiy tarkibga tushishi haqida hozircha hech nima aytolmayman”, deydi Mourinyo.
Eslatib o‘tamiz, “Manchester Yunayted” rahbariyati qishgi transferlar mavsumida Lyuk Shouni sotishni rejalashtirgan.
