Avval xabar berilganidek, O‘zbekiston Futbol Federasiyasi xodimlar malakasini oshirish, o‘z kasbining mutaxassisi bo‘lgan insonlar federasiya tarkibida ishlashini ta’minlash maqsadida, o‘zbekistondagi murabbiylar, hakamlar va viloyat futbol federasiyalari xodimlarini attestasiyadan o‘tkazilishi belgilangandi.
Shunga ko‘ra, Toshkent shahrida O‘zbekiston Futbol Federasiyasining attestasiya bo‘yicha komissiyasi tomonidan 25 nafar yosh hakamlarni attestasiyadan o‘tkazish ishlari boshlandi. Bugun kunning birinchi yarmida hakamlar jismoniy mashqlar bo‘yicha sinov topshirdilar. Kunning ikkinchi yarmida esa ular videomateriallardan tayyorlangan testlarni topshiradilar.
Shuningdek, 15-16 dekabr kunlari Toshkent shahrida Superliga va Pro-liga bosh hakamlari hamda laynsmenlarini attestasiyadan o‘tkazish jarayoni bo‘lib o‘tadi.
