Har yili Fransiyaning taniqli nashrlaridan biri“France Football” tomonidan Yevropada to‘p surayotgan eng yaxshi futbolchiga “Oltin to‘p” sovrini topshiriladi.
Shu yilning 7 dekabr kuni Fransiya poytaxti Parij shahrida 2017 yilning eng yaxshi futbolchisiga “Oltin to‘p” sovrinini topshirish marosimi bo‘lib o‘tadi.
“France Football” nashri bu yil mazkur sovrinni qo‘lga kiritishga asosiy da’vogar bo‘lgan 30 nafar futbolchini e’lon qilgan. Nomzodlar orasida Neymar («PSJ»), Paulo Dibala («Yuventus»), Luis Suares («Barselona»), Serxio Ramos («Real»), Filippe Koutinyo («Liverpul»), Robert Levandovski («Bavariya), Garri Keyn («Tottenxem Xotspur»), David de Xea («Manchester Yunayted»), Djanluidji Buffon («Yuventus»), Antuan Grizmann («Atletiko»), Radamel Falkao («Monako»), Lionel Messi («Barselona»), Krishtianu Ronaldu («Real»), Eden Azar («Chelsi»), Isko («Real») kabi futbolchilar bor.
«UzReport TV» telekanali millionlab futbol muxlislarining qiziqishini inobatga olgan holda, mazkur marosimni translyasiya qilish huquqini qo‘lga kiritdi.
2017-yilgi “Oltin to‘p” sovrini kimga nasib etishini «UzReport TV» telekanalida tomosha qiling!
Eslatib o‘tamiz, FIFA versiyasi bo‘yicha 2017 yilning eng yaxshi futbolchisi sifatida “Real” Madrid va Portugaliya terma jamoasi a’zosi Krishtianu Ronaldu e’tirof etilgandi.
«UzReport TV» telekanalida syurprizlar mavsumi davom etadi!
