“Shaxtyor”ga qarshi kechgan Chempionlar Ligasining guruh bosqichi so‘nggi turidagi uchrashuv Pep Gvardiola uchun 100-yubiley o‘yin bo‘ldi. Shu tariqa kataloniyalik murabbiy nomdor murabbiylar safiga kirdi.
46 yoshli murabbiy ushbu nufuzli musobaqaning besh turida shogirdlarini g‘alabaga yetaklay oldi. F guruhida muddatidan oldin peshqadamlikni olib jamoasini keyingi bosqichga olib chiqdi.
Biroq ungacha ham rekord o‘rnatgan murabbiylar bor, ular orasida Gvardiola qanday ahamiyat kasb etadi? Keling birgalikda ko‘rib chiqaylik.
Gvardiolaning Chempionlar Ligasidagi rekordi
Gvardiolaning eng yirik muvaffaqiyati “Barselona”dagi faoliyatiga to‘g‘ri keladi. U kataloniyaliklarni 2008-09 va 2010-11-yilgi mavsumda bosh sovrin sari yetaklagan edi.
“Barselona” boshqaruvida Yevropa musobaqalaridagi uchrashuvlarning yarmidan ko‘prog‘ida, ya’ni 30 o‘yinda g‘alaba qozongan. Uning g‘alabalar foizi bo‘yicha statistikasi “Bavariya”dagi faoliyati biroz yuqoriroq.
Gvardiola myunxenliklar bilan Chempionlar Ligasida 36 uchrashuv o‘tkazib, 23 tasini g‘alaba bilan yakunlagan. Nemis giganti bilan qariyb 64 % lik rekord g‘alabaga erishgan.
E’tiborga molik tomoni, Gvardiola jamoalari musobaqa doirasida 235 gol urishga muvaffaq bo‘lgan.
|
Jamoa |
O‘ |
G‘ |
D |
M |
UG |
O‘G |
G‘% |
|---|---|---|---|---|---|---|---|
|
“Barselona” |
50 |
30 |
15 |
5 |
117 |
42 |
60 |
|
“Bavariya” |
36 |
23 |
5 |
8 |
87 |
37 |
63.89 |
|
“Manchester Siti” |
13 |
8 |
3 |
2 |
31 |
19 |
61.54 |
|
Umumiy |
99 |
61 |
23 |
15 |
235 |
98 |
61.62 |
Gvardiolaning Chempionlar Ligasida erishgan natijalari
Gvardiola oxirgi marta “Uembli”da “Barselona” bilan “Manchester Yunayted”ni 3-1 hisobida mag‘lub etib, bosh sovrinni qo‘lga kiritiganidan beri yarim finaldan nariga o‘ta olmayapti.
“Shaharliklar” ustozi “Bavariya”da chempionlikka erisha olmagan bo‘lsa, Angliyadagi birinchi sarguzashtida
