Bugun Shveysariyaning Nyon shahrida Yevropa Chempionlar ligasining 1/8 final va Yevropa ligasining 1/16 final bosqich uchrashuvlariga qur’a tashlash marosimi bo‘lib o‘tadi.

UZREPORT TV telekanali mazkur tadbirni jonli efirda namoyish etadi. 

Siz Toshkent vaqti bilan soat 16:00dan boshlab YECHL qur’asini, soat 17:00dan boshlab esa YEL qur’a tashlanishiga guvoh bo‘lishingiz mumkin.

Guruh g‘oliblari ikkinchi o‘rinni egallagan klublarga qarshi o‘ynashadi. Bitta guruhdan chiqqan va bitta davlat sharafini himoya qilayotgan klublar bu bosqichda o‘zaro to‘qnash kelishmaydi.

Guruhda birinchi o‘rinni olganlar: "Manchester Yunayted", PSJ, "Roma", "Barselona", "Liverpul", "Manchester Siti", "Beshiktosh", "Tottenxem".

Guruhda ikkinchi o‘rinni olganlar: "Bazel", "Bavariya", "Chelsi", "Yuventus", "Sevilya", "Shaxtyor", "Portu", "Real".

1/8 finalning dastlabki uchrashuvlari 13-14 va 20-21 fevral kunlari, javob bahslari esa 6-7 va 13-14 mart kunlari bo‘lib o‘tadi.

Yevropa ligasida ham bitta guruhdan chiqqan va bitta davlat sharafini himoya qilayotgan klublar bu bosqichda o‘zaro to‘qnash kelishmaydi.

1-savatcha: «Milan», «Arsenal», «Atalanta», «Atletik», «Atletiko», «Braga», SSKA, «Dinamo», «Lasio», «Leypsig», «Lokomotiv», «Viktoriya» Plzen, «Zalsburg», «Sporting», «Vilyarreal», «Zenit».

2-savatcha: AYEK, «Astana», «Seltik», «Srvena Zvezda», «Borussiya» Dortmund, «Styaua», «Kopengagen», «Ludogores», «Lion», «Marsel», «Napoli», «Nissa», «Estersund», «Partizan», «Real Sosyedad», «Spartak».

1/16 final o‘yinlari 15 va 22 fevral kunlari bo‘lib o‘tadi.