Isroil terma jamoasi a’zosi Gidi Kanyuk "Paxtakor"ga ikkinchi davrada kelib qo‘shildi.

O‘zi ishtirok etgan 14 uchrashuvda Gidi raqiblar darvozasiga bir gol urdi. "Mash’al" darvozasiga kiritilgan to‘p Kanyuk uchun jamoamiz safidagi yagona gol bo‘lib turibdi.

Yarim himoyachi jamoadoshlari to‘p kiritishi uchun 7 bor imkoniyat yaratib bergan. Ushbu ko‘rsatkich bo‘yicha u Bezerradan keyin ikkinchi o‘rinni band etdi.

Sherzod Karimovda ham golli to‘p oshirishlar soni 7tani tashkil qildi. To‘p oshirishdagi aniqlik natijasi 73 foizdan iborat bo‘ldi.

Bir o‘yinda raqiblarni o‘rtacha 5 urinishdan 4tasida aldab o‘tgan. O‘zi harakat qilgan hududda 60 foiz holatlarda to‘pni raqiblardan olib qo‘yishga erishgan.