Angliya Premyer – Ligasining 18-turidan o‘rin olgan “Vest Bromvich” hamda “Manchester Yunayted” jamolalari o‘rtasidagi uchrashuv yakuniga yetdi. Unda mehmonlar qiyinchilik bilan 2:1 hisobini ushlab qolishdi.

Dastlab, 27-daqiqada Romelu Lukaku bosh bilan bergan zarbasi bilan hisobni ochgan bo‘lsa, oradan biroz vaqt o‘tib Jessi Lingard ajoyib zarba orqali oradagi farqni ikkitaga oshirdi. Jamoalar tanaffusga aynan mana shunday hisobda yo‘l olishdi.

Uchrashuv davomida “qizil iblislar” himoyachisi Antonio Valensiya kichik jarohat olib maydonni tark etdi. Uning o‘rniga Markus Roxo 66-daqiqada maydonga tushirildi. O‘yinning 77-daqiqasiga kelib, “Bromvich”ning burchakdan oshirilgan to‘pi golga aylandi. Mezbonlar yarim himoyachisi Garet Berri De Xea qo‘riqlayotgan darvozani ishg‘ol etdi.

Shundan so‘ng mezbonlar faqat hisobni tenglashtirish uchun bor kuchlarini sarflashdi, lekin shunga qaramay Mourinyo shogirdlari himoyada barqaror o‘yin ko‘rsatish evaziga safarda uch ochkoni qo‘lga kiritishdi.

APL, 18-tur.

Vest Bromvich – Manchester Yunayted 1:2.

Gollar:0:1 – 27 Lukaku, 0:2 – 35 Lingard, 1:2 – 77 Berri.

Vest Bromvich – Foster, Xegazi, Gibbs, Nyom, Evans, Krixovyak (Brant, 72), Yakob (Berri, 46), Makkleyn, Livermor, Berk (Rodriges, 64), Rondon.

Manchester Yunayted –De Xea, Djons, Smolling, Valensiya (Roxo, 66), Mata, Yang, Errera, Matich, Lingard (Maktomini, 86), Reshford (Marsyal, 79), Lukaku.

Ogohlantirishlar:Reshford (53), Matich (90), Rondon (90), Roxo (90).