Fransiyaning PSJ klubi futbolchisi Killian Mbappe YECHL doirasida “Real”ga qarshi o‘yin haqidagi fikrlarini bildirdi.

“Albatta, “Real”dan o‘ta olishimiz mumkin. Bilamiz, bu oson bo‘lmaydi. Fevralgacha ishlashda davom etamiz va o‘sha bahsga qattiq tayyorlanamiz.

Qur’ada “Real” bilan tushganimizdan keyin hotirjam bo‘ldim. YECHL turnirini yutishni istasak, shunday klublar ustidan zafar quchishimiz kerak. “Real” – ulardan biri bo‘lishi lozim.

Krishtianu Ronaldu bilan bahs? Asosiysi – o‘yinning o‘zi. Biz ushbu turnirda sovrin uchun kurashni davom ettirayotgan yagona Fransiya jamoasimiz. Shuning uchun ham shaxsiy ko‘rsatkichlarni bir chekkaga yig‘ishtiramiz”, - deydi Mbappe.