Xalqaro futbol uyushmasi g‘oyasiga ko‘ra, Klublar o‘rtasidagi jahon chempionati turniri mutlaqo boshqa saviyaga olib chiqiladi.
Xabaringiz bordir, oxirgi vaqtlarda terma jamoalar ishtirokidagi Konfederasiyalar kubogi musobaqasi o‘rnini klublar miqyosidagi yangi turnir egallashi bot-bot aytilmoqda.
Norasmiy ravishda Super Club World Cup sifatida ta’riflanayotgan musobaqa loyihasi qanday? Ispaniyaning Marca nashri ehtimoliy variantlardan biri haqida ma’lumot berdi.
Format. Loyihaga muvofiq, yangi turnirda 5ta konfederasiyaning 24ta jamoasi ishtirok etadi. Ulardan 8ta guruh shakllantiriladi.
Xullas, ilk raund 3tadan jamoani o‘z ichiga olgan 8ta guruhda olib boriladi. Yakunda trio g‘oliblari chorak finalga yo‘l oladi. Demak, chempion 3ta «pley-off» bosqichi orqali aniqlanadi.
Muddat. Taxmin qilinishicha, birinchi jahon Chempionlar Ligasi 2021 yilning yozida tashkillashtiriladi. Asosiysi, yangi turnir xuddi Konfederasiyalar kubogi kabi har 4 yilda bir marta o‘tkaziladi.
Ishtirokchilar ko‘pi bilan 5 marta maydonga tushishadi (to‘g‘rirog‘i, final yo‘li 5ta o‘yinni o‘z ichiga oladi). Shunday ekan, musobaqa 20 kunga cho‘ziladi.
Joy. Yangi turnir har safar milliy jamoalar o‘rtasidagi keyingi jahon chempionatiga mezbonlik qiluvchi mamlakat hududida o‘tkaziladi. Birgina ististo bor - debyut turnir.
Zero, JCH-2022 o‘yinlari Qatarda tashkillashtiriladi, biroq bu mamlakatda yoz faslida o‘ynash imkonsiz - havo juda issiq bo‘ladi. Qisqasi, birinchi turnirni Xitoyga topshirish ehtimoli yo‘q emas.
Ishtirokchilar. DAVOMI
