“Atalanta” jamoasi bosh murabbiyi Jan Pyero Gasperini “A” Seriya doirasida “San-Siro”da “Milan” (2:0) ustidan qozonilgan g‘alabadan keyingi fikrlari bilan o‘rtoqlashdi.
“Bu biz uchun katta g‘alabadir. Yaxshi o‘ynadik, g‘alabaga loyiq edik. Uch ochko bilan turnir jadvalidagi xolatimizni yaxshilab oldik.
“Milan”ning so‘nggi ikki mavsumdagi ishlarini hisobga olsak, ular o‘z pog‘onalarida. Raqiblarning o‘yinidan zavqlanmadim.
“Atalanta” yaxshi o‘yin va xarakter ko‘rsatib, g‘alabaga erishdi. Futbolchilar professionallardek o‘ynashdi va yurakdan mehnat qilishdi”, - deydi murabbiy.
