Madridning “Real” jamoasi bosh murabbiyi Zinedin Zidan “El Klasiko”dagi mag‘lubiyatga izox berdi.

“O‘yinni juda yaxshi boshladik. Birinchi bo‘lim teng kurashlar ostida kechdi. Mag‘lub bo‘lish – juda yoqimsiz. Bizga og‘ir bo‘lmoqda, biroq bu futbol, unda shunday natijalar ham qayd etiladi.

O‘yinga asosiy tarkib – mening qarorim. Kovachich Messini ushlash uchun chiqqandi, buni u uddaladi.

Chetlatishdan keyingi o‘zgartirishlardan keyin ham bizga qiyin bo‘ldi. “Barselona” o‘z ishini bajaraverdi.

Ikkinchi bo‘limda biz xatolarga yo‘l qo‘ydik, yomon himoyalandik va gol o‘tkazib yubordik. Bunday darajadagi o‘yinlarda barchasini mayda detallar hal qiladi.

Mag‘lubiyatdan keyin aqldan ozmaymiz. Og‘ir mag‘lubiyatlar nimanidir o‘zgartirish kerakligini bildiradi. Hech qachon qo‘lni baland ko‘tarib, taslim bo‘lmaymiz.

Chempionatning tanaffusi boshlandi. Holatimizni va xatolarimizni o‘rganamiz. Keyin oila bag‘rida bo‘lib, yana qaytamiz. Hali hech nima hal bo‘lmadi. Transferlar haqida gapirmayman”, - deydi Zidan.