“Manchester Siti” jamoasi bosh murabbiyi Xosep Gvardiola APLning 19-turi doirasida “Bornmut” (4:0) ustidan qozonilgan g‘alabadan keyingi fikrlari bilan o‘rtoqlashdi.
“Zich grafik katta kuchni futbolchilar tezroq kuchlarini yig‘ib olishi va keyingi bahsga tezroq tayyorlanishni talab qiladi. Men bundan qo‘rqqandim, biroq g‘alaba qozonishga tayyor edik.
Biz ilk golni chiroyli urdik. Ikkinchisi esa ishonch bag‘ishladi. Keyinchalik taktikani o‘zgartirdik va yana ikki ajoyib gollarni kiritdik. Bugungi o‘yindan juda mamnunman, barchani Rodjestvo bilan tabriklayman! Endi “Nyukasl”ga qarshi bahsga tayyorlanamiz.
Rahim Sterling to‘p bilan va to‘psiz yaxshi o‘ynamoqda. Biz uni yuqori darajadagi futbolchi sifatida ko‘ryapmiz. U xohlagan holatdan chiqib keta oladi. Rahimning texnikasi juda yaxshi va gollar urishni uddalaydi”, - deydi Pep.
