Londoning “Tottenxem” klubi hujumchisi Xarri Keyn “Sautgempton”ga qarshi kechgan o‘yinda (5:2) da xet-trik mualifiga aylandi.
Bu o‘yinda Keyn gollar bo‘yicha Alan Shirer rekordini yangilab, “Barselona” hujumchisi Messidan o‘zib ketdi. 24 yoshli futbolchi esa bu natijalarga o‘z munosabatlarini bildirdi.
“Bu yil ajoyib o‘tdi. Seni Messi va Shirer kabi futbolchilarga tenglashtirishsa xayotga kelganingdan xursand bo‘lib ketasan. Ular bilan tenglashish hech narsa emas, yangi yilda yanada kuchayishga va’da beraman.
Xet–trik qayd etish bu yangi yil kelishi oldidan menga turtki bo‘ldi. Har yili bir pog‘onadan ko‘tarilishni maqsad qilganman. Men bu usulni butun faoliyatim davomida qo‘llab kelganman va shunday ruhda davom etaman.
Gol o‘tkazib yuborganimiz kayfiyatimni biroz pasaytirib yubordi. Ammo, biz beshta gol urib eski yilni yuqori darajada yakunladik. Umid qilamanki, 2018 – yil biz uchun yana omadli keladi”, - dedi Keyn.
