Лондонинг “Тоттенхэм” клуби ҳужумчиси  Харри Кейн “Саутгемптон”га қарши кечган ўйинда (5:2) да хет-трик муалифига айланди.

Бу ўйинда Кейн  голлар бўйича Алан Ширер рекордини янгилаб, “Барселона” ҳужумчиси Мессидан ўзиб кетди. 24 ёшли футболчи эса бу натижаларга ўз муносабатларини билдирди.

“Бу йил ажойиб ўтди. Сени Месси ва Ширер каби футболчиларга тенглаштиришса хаётга келганингдан хурсанд бўлиб кетасан. Улар билан тенглашиш ҳеч нарса эмас, янги йилда янада кучайишга ваъда бераман.

Хет–трик қайд этиш бу янги йил келиши олдидан менга туртки бўлди. Ҳар йили бир поғонадан кўтарилишни мақсад қилганман. Мен бу усулни бутун фаолиятим давомида қўллаб келганман ва шундай руҳда давом этаман.

Гол ўтказиб юборганимиз  кайфиятимни бироз пасайтириб юборди. Аммо, биз бешта гол уриб эски йилни юқори даражада якунладик. Умид қиламанки, 2018 – йил биз учун  яна омадли келади”, - деди Кейн.