Kecha APLning 20-turi doirasida “Manchester Yunayted” jamoasi o‘z maydonida “Byornli”ni mag‘lub eta olmadi. Uchrashuv haqida “qizil iblislar” bosh murabbiyi Joze Mourinyo o‘z fikrlarini bildirdi.
“Bilmadim, “Byornli” bizga qanday qilib jarimadan gol urdi. Jamoam g‘alati gollarni o‘tkazib yubordi. Ularning bergan ikki zarbasi ham golga aylandi. Biz esa raqib darvozasini ishg‘ol etish uchun 45 daqiqani sarfladik. Lingard zaxiradan maydonga tushib, jamoaga katta yordam berdi. Shuningdek, Mxitaryan ham o‘yinga kuch bag‘ishladi.
Butun bir “MYU” birgina himoyachi bilan o‘ynadi. Raqiblar esa 95 daqiqa himoyalandi.
Bu durang mag‘lubiyat emas. Futbolchilarim minimum shunga loyiq edilar”, - deydi Joze.
