Turinning “Yuventus” jamoasi himoyachisi Mehdi Benatia tvitter ijtimoiy tarmog‘ida janjallashdi.
Italiya “A” Seriyasining 18-turida “Roma” darvozasiga kiritgan g‘alaba golidan keyin 30 yoshli futbolchi o‘z tvitterida hissiyotlari haqida yozdi.
Bu esa Rim jamoasi muxlislariga yoqmadi va turli xil bahs munozaralarga sabab bo‘ldi. Oqibatda bu irqiy kamsitishga ham yetib bordi.
Benatia bir xabarga shunday deb javob berdi: “Sendek odam meni so‘kish uchun hech nima qilib qo‘ymagan, faqatgina telefonda katta gapirasan. Sen shunchaki, go‘shtning bir bo‘lagisan”, - deb yozadi Benatia.
Eslatib o‘tamiz, Mehdi Benatia 2013/14 yilgi mavsumni “Roma” tarkibida o‘tkazgan.
