2018 yilgi mavsum reglamenti e’lon qilinganidan xabaringiz bor. Ushbu reglamentda uchrashuvlar boshlanish vaqtlari ham belgilab berilgan.
O‘yinlar vaqtini belgilashda birinchi navbatda muxlislar talabi inobatga olindi. Uchrashuvlar vaqti muxlislar uchun qulay vaqtga belgilandi.
Reglamentga ko‘ra
- Superliga uchrashuvlar 18.00 dan erta boshlanishi mumkin emas. Translyasiya vaqtini teletomoshabinlarga qulaylashtirish uchun o‘yinlar 18:30 va 20:30da boshlanadi;
- Yoshlar birinchiligi uchrashuvlari 12:00dan erta boshlanishi mumkin emas. Yozgi vaqtda esa o‘yinlar 17:00dan erta boshlanishi kerakmas.
- PRO-ligi va O‘zbekiston Kubogi o‘yinlari 17:00dan erta boshlanishi mumkinmas;
O‘yinlar boshlanishi kunini belgilashda asosiy urg‘u juma, shanba va yakshanba kunlariga belgilashga qaratildi. Faqat Osiyo chempionlar ligasi va FIFA kunlari munosabati bilan o‘yinlar haftaning o‘rtasiga to‘g‘ri kelib qolishi mumkin.
Zarurat tug‘ilsa, so‘nggi turdagi o‘yinlar boshlanish vaqti PFL Sport bo‘limi tomonidan bitta vaqtga belgilanishi mumkin.
