«Barselona» klubi va Argentina terma jamoasi hujumchisi Lionel Messi TyC Sports kanaliga intervyu berdi.
Unda jahon chempionatidan oldingi rejalar, Argentina bilan finallardagi mag‘lubiyatlar va boshqa narsalar haqida gapirib o‘tdi.
Zaxira o‘rindig‘i haqida
- Ma’lumki, mavsum uzun, o‘yinlar ko‘p va ba’zida qiyin vaziyatlar yuzaga keladi. Shu bois ham organizm yuklamalarni ko‘tarishda qiynaladi.
Chempionlar Ligasining oxirgi o‘yinlarida bo‘lgani kabi ba’zan zaxirada ham o‘tirib turish kerak. Agar dam olish ko‘p bo‘lsa, keyingi o‘yinlarda katta kuch bilan harakat qilish mumkin.
Oldindan payqash haqida
- Hamisha oldindan bilishga harakat qilaman. Chunki zamonaviy futbolda o‘ylash uchun vaqt juda kam. Shu bois ham maydondaligimda o‘zimga tashqaridan nazar solaman va «tuzoq»dan qanday chiqib ketishni rejalashtiraman.
Terma jamoasi haqida
- Biz qiyin davrni boshdan o‘tkazdik. Lekin vaqti-vaqti bilan yaxshi futbol namoyish qildik. Albatta, agar JCH-2018da g‘olib chiqishni istasak, maydonda bir-birimizni tushunishimiz uchun ko‘p ishlashimiz talab etiladi.
Ayni paytda Argentina Braziliya, Germaniya, Fransiya va Ispaniya kabi terma jamoalarga raqobat qila olmaydi.
Xorxe Sampaoli haqida
- Yangi murabbiy qo‘l ostida biz hali ko‘p o‘yin o‘tkazmadik. Bu o‘yinlardan so‘ng xulosa chiqarishga hali erta. Buning ustiga, Argentina shunday vaziyatga tushib qoldiki, tezkor qaror qabul qilish kerak edi.
Bu qiyin kunlar edi. Terma jamoaga bir qator yangi o‘yinchilar keldi va ular bunday vaziyatga moslashishlari qiyin. Shu bois ham ba’zida o‘zimiz kutmagandek o‘yin namoyish qilishga majbur bo‘ldik.
Muxlislarning tanqidi haqida
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
