Madridning “Atletiko” jamoasi hujumchisi Diyego Kosta tezroq maydonga qaytishni istamoqda.
Eslatib o‘tamiz, futbolchi yozdayoq “Atletiko” bilan kelishuvga erishgandi. Biroq FIFAning ta’qiqiga ko‘ra, Kosta 1 yanvardan keyin “matraschilar” libosida maydonga qaytishi mumkin edi.
“Klubdagilar mening qaytishimni istagani uchun rahmat aytaman. Maydonga qaytishga tayyorman. Bu vaqtlarni ancha kutdim.
Tushunaman, mashg‘ulotlar o‘yinning o‘rnini bosa olmaydi. Bo‘ldi, mashg‘ulotlardan charchadim, endi o‘ynashim kerak.
“Chelsi”? Buyuk klub. Bu jamoa xotiramda faqatgina yaxshi jihatlari bilan saqlanib qoladi”, - deydi Kosta.
Eslatib o‘tamiz, 29 yoshli hujumchi “Atletiko” tarkibida 2007/09 va 2010/14 yillar oralig‘ida harakat qilgan.
