Мадриднинг “Атлетико” жамоаси ҳужумчиси Диего Коста тезроқ майдонга қайтишни истамоқда.
Эслатиб ўтамиз, футболчи ёздаёқ “Атлетико” билан келишувга эришганди. Бироқ ФИФАнинг таъқиқига кўра, Коста 1 январдан кейин “матрасчилар” либосида майдонга қайтиши мумкин эди.
“Клубдагилар менинг қайтишимни истагани учун раҳмат айтаман. Майдонга қайтишга тайёрман. Бу вақтларни анча кутдим.
Тушунаман, машғулотлар ўйиннинг ўрнини боса олмайди. Бўлди, машғулотлардан чарчадим, энди ўйнашим керак.
“Челси”? Буюк клуб. Бу жамоа хотирамда фақатгина яхши жиҳатлари билан сақланиб қолади”, - дейди Коста.
Эслатиб ўтамиз, 29 ёшли ҳужумчи “Атлетико” таркибида 2007/09 ва 2010/14 йиллар оралиғида ҳаракат қилган.
